დაკავება ბათუმში გამოძალვის ბრალდებით
დაკავება ბათუმში გამოძალვის ბრალდებით

  • შსს-მ ბათუმში ერთი პირი გამოძალვის ბრალდებით დააკავა. დაკავებულია 1974 წელს დაბადებული, წარსულში მრავალჯერ ნასამართლევი, ამჟამად პირობითი მსჯავრის ქვეშ მყოფი რუსლან ჩ.

    ამის შესახებ ინფორმაციას შსს ავრცელებს, სადაც ნათქვამია, რომ დაკავებულს ბრალად ედება დიდი ოდენობით ქონების მიღების მიზნით გამოძალვა და ცეცხლსასროლი იარაღისა და საბრძოლო მასალის მართლსაწინაააღმდეგოდ შეძენა-შენახვა-ტარება.

    "გამოძიებამ დაადგინა, რომ ბრალდებული ფიზიკური ანგარიშსწორების მუქარით მოქალაქეს 60 000 ლარს სძალავდა და მისი ბიზნესსაქმიანობიდან მიღებული მოგების ყოველთვიურ წილს ითხოვდა," - ნათქვამია შსს-ს განცხადებაში.

    სამართალდამცველებმა დაკავებულის პირადი ჩხრეკისას არარეგისტრირებული პისტოლეტი და 5 ვაზნა ამოიღეს.

    გამოძიება დიდი ოდენობით ქონების მიღების მიზნით ჯგუფურად გამოძალვის და ცეცხლსასროლი იარაღისა და საბრძოლო მასალის მართლსაწინაააღმდეგოდ შეძენა-შენახვა-ტარების ფაქტებზე მიმდინარეობს.

    წყარო: Rustavi2.com