400-ზე მეტი დაღუპული და 3000-მდე დაჭრილი - აგვისტოს ომის ტრაგიკული შედეგები
400-ზე მეტი დაღუპული და 3000-მდე დაჭრილი - აგვისტოს ომის ტრაგიკული შედეგები

  • 8 წლის წინ, 2008 წლის აგვისტოს ომში სულ საქართველოს 408 მოქალაქე დაიღუპა, აქედან 170 თავდაცვის სამინისტროს მოსამსახურე, 14 შინაგან საქმეთა სამინისტროს მოსამსახურე, 224 კი სამოქალაქო პირი იყო.

    ჯანდაცვის სამინისტროს მონაცემებით 2008 წლის აგვისტოს ომში დაჭრილთა და დაშავებულთა რიცხვი 2 232-ია. მათ შორის არიან როგორც სამოქალაქო, ისე სამხედრო პირები. ამათგან სამხედრო მოსამსახურეთა რაოდენობა 1045-ია. აღნიშნული 1045 პირიდან 2008 წლის აგვისტოს ომის შედეგად 526 შეიარაღებულ ძალებში აღარ მსახურობს, 61 სამხედრო კი დათხოვნილია ავადმყოფობის გამო.

    აგვისტოს ომმა საქართველოს 26 ათასამდე დევნილი შემატა, რის შედეგადაც დღეს უკვე ქვეყანას 263 598 დევნილი ჰყავს.

    შეგახსენებთ, რომ რუსეთის მიერ დღემდე არ სრულდება ომის შედეგად დადებული 6 პუნქტიანი გეგმა, რაც გულისხმობს:

    ძალის გამოყენებაზე უარის თქმას;

    საბრძოლო ქმედებებზე უარის თქმას;

    ჰუმანიტარული დახამრებისთვის თავისუფალი მიმოსვლის უზრუნველყოფას;

    საქართველოს შეიარაღებული ძალების დაბრუნებას მათი ჩვეულებრივი დისლოკაციის ადგილებში;

    რუსეთის შეიარაღებული ძალების დაბრუნებას სამხედრო მოქმედებების დაწყებამდე არსებულ ხაზზე. საერთაშორისო მექანიზმის შექმნამდე რუსეთის სამშვიდობო ძალების მიერ უსაფრთხოების დამატებითი ზომების განხორციელებას;

    საერთაშორისო დისკუსიების დაწყებას აფხაზეთსა და სამხრეთ ოსეთში უსაფრთხოებისა და სტაბილურობის პირობების შესახებ.

    2008 წლის 27 აგვისტოს კი რუსეთის დუმამ აფხაზეთისა და სამხრეთ ოსეთის დამოუკიდებლობის აღიარებას მხარი დაუჭირა, მეორე დღეს კი ქვეყნის პრეზიდენტმა შესაბამის დოკუმენტს ხელი მოწერა.

    წყარო: damoukidebloba.com