ვინ არის ფრენდროკი ?! (+ფოტოები)
ვინ არის ფრენდროკი ?! (+ფოტოები)

  • ვინ არის ფრენდროკი ?!

    (ეს ყველაფერი წაიკითხეთ იუმორით !!!)

    ალბათ, ძალიან ცოტამ იცის, რომ არსებობენ დედამიწაზე განსაკუთრებული ქვები - ფრენდროკები, რომლებსაც უბრალო ქვებისგან განსხვავებით გააჩნიათ თავისებური “მდუმარე ინტელექტი”. მათი წარმოშობის ისტორია დღესაც საიდუმლოებითაა მოცული. უფრო ზუსტად: ფრენდროკების განსაკუთრებულობა იმაში მდგომარეობს, რომ ყოველი მათგანი ინდივიდუალურია, გააჩნია საკუთარი ნიჭი და ამ ყველაფერს ავლენს მხოლოდ თავის ადამიან-მეგობართან.

    ისტორიული წყაროებიდან ცნობილია ერთეული ფაქტები დიდი ადამიანების პირადი ფრენდროკების შესახებ. ნაპოლეონს საკუთარი ფრენდროკი ახლდა მოსკოვზე ლაშქრობისას… აგრეთვე ცნობილი ფაქტია ისტორიკოსების ვიწრო წრეში, რომ კუტუზოვმა ბოროდინოს სახელგანთქმული ბრძოლის წინ თავის საუკეთესო აგენტს ნაპოლეონის ფრენდროკი მოაპარინა, რითიც ამ ბრძოლის ბედი სათავისოდ გადაწყვიტა... ისტორიული წყაროებიდან ასევე ცნობილია, რომ დიოგენეს საკუთარი ფრენდროკი მასთან ერთად ცხოვრობდა ძირგამძვრალ კასრში და მდუმარედ კამათობდნენ სხვადასხვა ფილოსოფიურ თეზისებზე. სალვადორ დალის ფრენდროკი კი გალასთან ერთად იყო მისი უცვლელი მუზა. რაც შეეხება პითაგორას ფენომენს, ერთ-ერთი ვერსიით ამ სახელგანთქმული თეორემის ავტორი მისი საკუთარი ფრენდროკი გახლდათ, ხოლო პითაგორა

    - პლაგიატი და ა.შ.

    გაცნობის პროცესი:

    თქვენი ფრენდროკი საკმაოდ მგრძნობიარეა. სანამ ნახავთ, უმჯობესია, რამოდენიმე საათით ყუთში დატოვოთ (მას არანაკლებ სამი საათი მაინც სჭირდება ახალ გარემოში ადაპტაციისთვის). ყუთი კი, გირჩევთ, სახლის იმ ნაწილში განათავსოთ, რომელიც შემდგომში მისთვის „განსაკუთრებული ადგილი“ გახდება.

    შენიშვნა:

    ზოგიერთი ფრენდროკის მეგობარმა აღმოაჩინა, რომ მუსიკას მასზე დამამშვიდებელი ეფექტი აქვს, განსაკუთრებით ღამით. ამიტომ, თუ ყუთიდან მისი ამოყვანის შემდგომ შეატყობთ, რომ ის გაღიზიანებულია, - უმღერეთ რამე სიმღერა... ოღონდ თუ ბავშვობისას სპილომ ყურზე ფეხი დაგაბიჯათ, - მაშინ ჯობია რომელიმე ლექსი წაუკითხოთ სიყვარულზე, - რადგან ისინი ბუნებით ძალიან გულჩვილები და რომანტიკულები არიან... როგრც კი ფრენდროკს ამოიყვანთ ყუთიდან, - მოათავსეთ რბილ ბალიშზე და მეგობრობის ნიშნად სამჯერ იატაკამდე დაუხარეთ თავი. ამის შემდგომ თქვენ უკვე შეგიძლიათ დარწმუნებული იყოთ, რომ თქვენი ფრენდროკი იქნება თქვენთვის მართლაც ერთგული მეგობარი, არასდროს გიღალატებთ, არ გათქვამს თქვენს საიდუმლოს და ზურგსუკან არასდროს იჭორავებს თქვენზე. ის მუდამ მოთმინებით, ყურადღებით მოგისმენთ და არასდროს შეგეკამათებათ.

    P.S. საკუთარ ფრენდროკს აუცილებლად უნდა დაარქვათ სახელი. დაძახებისას თუ არ გამოგხედათ, - ესე იგი არ მოსწონს, როგორ ჟღერს.

    უნარები:

    ფრენდროკებს განსაკუთრებული უნარები გააჩნიათ. ურთიერთობენ ტელეპატიურ დონეზე, - თვითოეული მხოლოდ თავის ადამიან-მეგობართან... შეუძლიათ აგრეთვე ჭკვიანური რჩევების მოცემა ნებისმიერ სფეროში.

    ფრენდროკისგან რჩევის მიღება ხდება შემდეგი მეთოდით: ჯდებით მის პირისპირ, უყურებთ თვალებში 7 წუთის განმავლობაში და თან გონებაში განუწყვეტლივ ატრიალებთ თქვენს შეკითხვას. პასუხი იქნება დადებითი ან უარყოფითი. ზემოთაღნიშნული დროის გასვლის შემდგომ თქვენს გონებაში გაელვებული ‘კი’ ან ‘არა’ იქნება ზუსტად ფრენდროკის რჩევა. ფრენდროკები ლაპარაკობენ კიდეც, ოღონდ ჩურჩულით და მხოლოდ განსაკუთრებულ შემთხვევებში. თუ გინდათ გაიგოთ თქვენი ფრენდროკის ხმა, წაიყვანეთ ის სადმე წყლის პირას, ჩაყვინთეთ მასთან ერთად 3 მეტროს სიღრმეზე და დაელოდეთ დაახლოებით 5 წუთი. თუ გაგიმართლათ. - ის აუცილებლად დაგელაპარაკებათ!... ისიც გაითვალისწინეთ, რომ ფრენდროკებმა ცურვა არ იციან და ფრთხილად იყავით, არ დაიხრჩოს.

    აქვე უნდა ითქვას ისიც, რომ ფრენდროკებს ძალიან უყვართ ბატუტანას თამაში (სამწუხაროდ ვერაფრით დავადგინეთ ეს რა თამაშია); გთხოვთ ხშირად ეთამაშოთ. უყვართ აგრეთვე ბანაობა, მოფერება და ღიტინი...

    ფრენდროკები გურმანები არიან, ოღონდ საკუთარი ფრენდროკის ინდივიდუალური გემოვნება თვითონ უნდა აღმოაჩინოთ. გაასინჯეთ სხვადასხვა საკვები. და თუ რომელიმე დააგემოვნა. - ესე იგი, მოეწონა. არ დაგავიწყდეთ ისინი მიდრეკილნი არიან სიმსუქნისკენ, ამიტომ მათი დიეტაზე ყოფნა აუცილებელია.

    ფრთხილად იყავით. არ შეეყაროს ქუნთრუშა, თორემ კანი გადაძვრება და სამუდამოდ უსახური დარჩება...

    ფრენდროკის აღზრდა:

    ფიზიკური

    როგორც მოგეხსენებათ, ფრენდროკი ბუნებით ზარმაცი და მოუქნელია, - ამიტომ უბრალოდ ასწავლეთ სიარული: დასვით იატაკზე ან მიწაზე და სთხოვეთ, რომ გაიაროს და გამოიაროს. ნორმალურია, თუ ის ამას ვერ მოახერხებს. ახლა რამოდენიმე ნაბიჯით დაიხიეთ უკან და თქვენ დაინახავთ, რომ: ფრენდროკი დაგცილდათ. წადით მისკენ - ფრენდროკი მოგიახლოვდებათ... გილოცავთ: თქვენმა ფრენდროკმა სიარული ისწავლა!!!

    კულტურული

    კარგად მოგეხსენებათ, რომ ფრენდროკი ადამიანი არ არის. ამიტომ მისთვის უცნობია საზოგადოებაში მოქცევის ადამიანური წესები. შესაბამისად, მოგიწევთ შეასწავლოთ თქვენს მეგობარ-ფრენდროკს ეს ყველაფერი, კერძოდ კი:

    ჭამის კულტურა

    ჭამის დროს დაისვით გვერდით მაგიდაზე და აყურებინეთ, როგორ ხმარობთ დანა-ჩანგალს, თან აუხსენით, რომ ჭამის დროს პირი დახურული უნდა ჰქონდეს.

    საზოგადოებრივი გართობის კულტურა

    ატარეთ თეატრში, კინოში, კონცერტზე, მუზეუმში, გამოფენაზე და ა.შ.
    კარგი მანერები და ა.შ.
    თუ დაინახავთ, რომ თქვენმა ფრენდროკმა ცხვირში თითი დაიტრიალა, აუხსენით რომ ასეთი მოქცევა უზრდელობაა. თუ გაიმეორა - გაუბრაზდით. დაუქნიეთ თითი მუქარით და თან რამდენჯერმე
    გაუმეორეთ: ფრენდროკი ცუდია...

    ყურადღება:

    ფრენდროკი ზარმაცია და ბუტია!!!

    ფრენდროკები ზოგადი დამახასიათებელი თვისებით - სიზარმაცით გამოირჩევიან.თუმცა მათ ძალიან უყვართ წიგნების კითხვა. შესაბამისად გირჩევდით თქვენს ფრენდროკს დღეში ერთი-ორი საათით მაინც მისცეთ წიგნის ან პრესის კითხვის საშუალება: აურჩიოთ საინტერესო ტექსტი, დასვათ მყუდროდ, დაუდოთ წინ და თან არ დაგავიწყდეთ დროდადრო ფურცლის გადაშლა... ნუ დაელოდებით, რომ თვითონ გადაშლის: ნუ იქნებით სასაცილო, - მას ეს არ შეუძლია...

    ხოლო რაც შეეხება ბუტიაობას: თუ სათანადოდ არ მოექეცით, - გაგებტებათ.

    როგორ შევირიგოთ გაბუტული ფრენდროკი?

    პირველ რიგში უნდა მუცელზე შეუღიტინოთ და ენის მოჩლექვით სთხოვოთ პატიება. ეს ხასიათზე მოიყვანს. ხოლო თუ დამატებით რიგგარეშე აბანავებთ, - აუცილებლად შეგირიგდებათ. გაფრთხილება

    არ გირჩევთ ღამით ფრენდროკთან ერთად ძილს, რადგან თუ ძილში

    თავს მიარტყამთ მას - გეტკინებათ!!!

    ჯანმრთელობაზე ზრუნვა

    როგორც ადამიანი, ფრენდროკიც. შესაძლოა ავად გახდეს ანგინით, ქუნთრუშით, გრიპით და ა.შ. ასეთ შემთხვევებში აუცილებელია მის ჯანმრთელობაზე ზრუნვა.

    მაღალი ტემპერატურის შემთხვევაში შუბლზე დაადეთ ძმრიანი საფენი, დააფარეთ საბანი და მოადენინეთ ოფლი. აუცილებლად მოუსმინეთ, ფილტვებში ხიხინი ხომ არ აქვს. არავითარ შემთხვევაში არ გაასინჯოთ ოჯახის ექიმს, რადგან ექიმებს არასდროს უსწავლიათ ფრენდროკის ანატომია.

    განსაკუთრებული მოვლენები

    1. სეტყვის წამოსვლის შემთხვევაში თქვენი ფრენდროკი აუცილებლად გაიყვანეთ გარეთ და შეუშვირეთ სეტყვას, - რათა აღსრულდეს ჩვენი წინაპრების დანაბარები: „მოვიდა სეტყვა, - დახვდა ქვა“...

    2. საკვირველი მოვლენა: ფრენდროკი ბრძენია, მაგრამ რატომღაც მას არ აქვს სიბრძნის კბილები...

    დანართი

    თქვენ იღებთ პასუხისმგებლობას, რომ გეყვარებათ თქვენი ფრენდროკი და მოუვლით როგორც ოჯახის წევრს! მისი ცუდი ყოფაქცევის შემთხვევაში იყავით მომთმენი. ნუ დაკარგავთ ფრენდროკს და ნუ აგრძნობინებთ თავს არასასურველად, - წინააღმდეგ შემთხვევაში მან არსებობა შეიძლება
    ტრაგიკულად დაასრულოს...

    დაიმახსოვრეთ: იზრუნეთ მასზე და სანაცვლოდ ის თქვენზე იზრუნებს.



    დაუკავშირდით: https://www.facebook.com/Friendrockshop/

    -MyMovs.com-